LEPEL PELIKULA

Eta astelehenean  zinera joan ginen Lepel pelikula ikustera.

Pelikula honek bederatzi urteko Lepel gaztearen historia kontatzen du. Gurasoen desagerketa misteriotsuaren ostean, Koppenol amona gaiztoa arduratuko da berataz, umea esklabu bezala erabiliz.

Egun batean Lepelek, nazkatuta, ihes egingo du amonaren etxetik eta denda handi batera joko du hala-nola ezkutatzera. Bertan, jertse-artean sekretuan bizi den  Bibi nerabe gogorrarekin egingo du topo eta bien artean laguntasun heldua haziko da. Gaztetxoek, gainera, Broer dendako nagusiarekin txora-txora eginda dagoen Max dendariaren laguntza izango dute.

Max eta  Bibi Lepelen gurasoak aurkitzeko plan bat lantzen hasiko dira eta euren bilaketa aurrera doan heinean Broer, euren konplot-ean inplikatuko dute, honen borondatearen kontra. Koppenol-ek, berriz, ez du Lepel hain erraz galdu nahi eta horregatik, umearen irakaslearekin bat eginda, umea berreskuratzen saiatuko da. Egunean zehar denda jada ez da izango Lepelentzat toki seguru bat. Zorionez,  Bibi alboan dauka  eta honek amonaren hatzamarretatik alde egin eta bere gurasoak bilatzen lagunduko dio.

GIPUZKOAKO ESKOLARTEKO BERTSO-PAPER LEHIAKETA

Joan den ostiralean Gipuzkoako eskolarteko Bertso-paper lehiaketan parte hartu zuten gelako lau lagunek (Mirenek, Elenek, Beñatek eta Unaik) eta bapatean Unaik, lau oin emanda, asmatu behar izan zuen bertsoa. A, ze nerbioak pasatu genituen! Hona hemen idazteko gaia: "Sorginen etxea bisitatu behar dugu".

SEXUALITATEKO IKASTAROA

Aurreko astean, sexualitateko lau orduko ikastaroa jaso dugu sexologa baten eskutik eta gure bizitzan, oso baliogarriak izango diren hainbat gauza ikasi ditugu.